«Arsenal» Belgiyaning «Bryugge» klubidan hujumchi Xristos Tsolis transferini rasman e'lon qildi.
Klub xabariga ko‘ra, 24 yoshli futbolchi bilan 5 yillik uzoq muddatli shartnoma imzolangan. Transfer qiymati 34 million funt sterlingni tashkil etdi.
«Arsenal» rasmiy bayonotida quyidagicha deyiladi:
«Biz Xristos TSolis bilan uzoq muddatli shartnoma imzolanganini mamnuniyat bilan e'lon qilamiz. 24 yoshli hujumchi «Bryugge»dan safimizga qo‘shildi. U Belgiya klubi safida barcha musobaqalarda 108 ta bahsda maydonga tushib, 43 ta gol urdi va 45 ta golli uzatmani amalga oshirdi».
Qayd etish kerakki, Tsolis «Bryugge» safida o‘zining sermahsul o‘yini bilan Yevropaning yetakchi klublari e'tiborini tortgan futbolchilardan biri hisoblanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi