OCHL-2. «Nasaf» Qarshida «Al Kuvayt»ga yutqazdi

Osiyo Chempionlar Ligasida A guruhining 3-turida «Nasaf» o‘z maydonida «Al Kuvayt» klubini qabul qilib, minimal hisobda imkoniyatni boy berdi.

Natijada 3 ta turda atigi 1 ochko olgan Ro‘ziqul Berdiyev jamoasi pley-offga chiqish imkoniyatlarini keskin pasaytirib yubordi. Kuvayt klubining ochkolari esa 6 taga yetdi.

Guruhning ikkinchi o‘yini Bahraynda 23:15 da start oladi va unda «Al Xolidia» (1) «Al Vahda» (6) bilan ro‘baro‘ keladi.

OCHL-2. 3-tur. A guruhi
Nasaf — Al Kuvayt 0:1
28 oktabr, Qarshi, «Markaziy» stadioni
Gol: Daham (40).
Nasaf — Abduvohid Ne’matov, G‘olib G‘aybullayev (Zafarmurod Abdurahmatov 46), Umar Eshmurodov, Alibek Davronov, Sharof Muhiddinov (Dilshod Murtazoyev, 83), Murod Rahmatov, Oybek Rustamov, Sardor Bahromov (Akrom Komilov, 46), Abbos G‘ulomov (Pata Gudushauri, 63), Adenis Shala, Bobur Abduxoliqov (Yusuf Otubanjo, 63).
Al Kuvayt — Al Hoshon, Ad Defiri, Ammuri, Birrahma, Daham, Dara, Freyh (As Sanosi, 90+5), Marhun (Al Muhammad, 88), Zola, Gonsales (Hamud, 88), Henissi (Al Qarzai, 81).
Ogohlantirishlar: Marhun (45), Zola (53), Birrahma (67), Al Qarzai (90+3).