«Bavariya» darvozaboni Manuel Noyer Chempionlar ligasi umumiy bosqichining 4-turidan o‘rin olgan «Atletiko»ga qarshi uchrashuvda maydonga tushdi.
Bu nemis darvozaboni uchun Yevropa klublarining eng nufuzli musobaqasidagi 164-o‘yin bo‘ldi.
Shu tariqa Noyer ushbu ko‘rsatkich bo‘yicha musobaqa tarixida yakka uchinchi o‘ringa ko‘tarildi. Avvalroq u Lionel Messi va Tomas Myuller bilan birgalikda 163 tadan uchrashuv o‘tkazgan holda uchinchi pog‘onani bo‘lishib kelayotgan edi.
Reytingda Noyerdan yuqorida faqat Krishtianu Ronaldu (183 ta o‘yin) va Iker Kasilyas (177 ta o‘yin) joylashgan.
Eslatib o‘tamiz, «Bavariya» Chempionlar ligasining dastlabki uch turida 5 ochko jamg‘arib, umumiy bosqich jadvalida 15-o‘rinni egallab turgan edi.
