«Milan» «Arsenal» yarimhimoyachisi Itan Nvanerini o‘z safiga qo‘shib olish imkoniyatini o‘rganmoqda.
Jurnalist Matteo Morettoning xabariga ko‘ra, Italiya klubi 19 yoshli futbolchini transfer qilish imkoniyati yuzasidan «Arsenal»ga rasmiy so‘rov yuborgan.
Manbaga ko‘ra, Nvaneriga faqat «Milan» emas, balki «Everton», «Fulhem» va «RB Leypsig» klublari ham qiziqish bildirmoqda.
Ma’lumot uchun, Itan Nvaneri «Arsenal» akademiyasi tarbiyalanuvchisi hisoblanadi. U London klubi asosiy jamoasi safida 51 ta uchrashuvda maydonga tushib, 10 ta gol urgan va 2 ta golli uzatmaga mualliflik qilgan. Transfermarkt futbolchini 35 million yevroga baholaydi.
