"Yuventus" vingeri Kenan Yildiz faoliyatini Angliyada davom ettirishi mumkin. Bu haqda Indykaila News xabar berdi.
Turkiyalik futbolchiga "Arsenal" qiziqish bildirmoqda. London klubi rasmiylari ehtimoliy transfer boʻyicha muzokaralar oʻtkazish uchun Italiyaga yoʻl olgan.
Qayd etilishicha, Yildiz "Arsenal" uchun zaxira varianti hisoblanadi. Agar "Real" vingeri Vinisius Junior transferi amalga oshmay qolsa, "toʻpchilar" aynan turkiyalik futbolchini sotib olishga harakat qiladi.
Ma'lumot oʻrnida, Kenan 2022 yilda "Bavariya"dan erkin agent sifatida "Yuventus"ga koʻchib oʻtgan. Uning klub bilan yangilangan shartnomasi 2030 yil 30 iyungacha amal qiladi.
