«Ювентус» вингери Кенан Йилдиз фаолиятини Англияда давом эттириши мумкин. Бу ҳақда Indykaila News хабар берди.
Туркиялик футболчига «Арсенал» қизиқиш билдирмоқда. Лондон клуби расмийлари эҳтимолий трансфер бўйича музокаралар ўтказиш учун Италияга йўл олган.
Қайд этилишича, Йилдиз «Арсенал» учун захира варианти ҳисобланади. Агар «Реал» вингери Винисиус Жуниор трансфери амалга ошмай қолса, «тўпчилар» айнан туркиялик футболчини сотиб олишга ҳаракат қилади.
Маълумот ўрнида, Кенан 2022 йилда «Бавария»дан эркин агент сифатида «Ювентус»га кўчиб ўтган. Унинг клуб билан янгиланган шартномаси 2030 йил 30 июнгача амал қилади.
