Мадриднинг «Реал» клуби «Манчестер Сити» яримҳимоячиси Родри трансфери бўйича илк расмий таклифни тайёрламоқда.
Sky Sports хабарига кўра, «қироллик клуби» яқин вақт ичида инглиз клубига 2026 йилги Жаҳон чемпионатининг энг яхши футболчиси бўлган испаниялик яримҳимоячи учун расмий таклиф юборади.
Аввалроқ Родри «Реал» билан шахсий шартнома шартларини келишиб олгани, шунингдек, 30 июл куни бўлиб ўтадиган икки клуб вакиллари учрашувида трансфер бўйича якуний келишувга эришилиши мумкинлиги ҳақида хабарлар тарқалганди.
Маълумот учун, Родрининг «Манчестер Сити» билан амалдаги шартномаси яна бир йил амал қилади. У 2026 йилги Жаҳон чемпионатида Испания миллий жамоаси билан чемпионликни қўлга киритиб, мусобақанинг энг яхши футболчиси деб топилган.
