«Интер» клуби марказий ҳимоячи Жон Стоунз билан шартнома имзоланганини эълон қилди.
Милан клуби англиялик 32 ёшли футболчи билан 2028 йил 30 июнига қадар битим тузди. Стоунз Италия гранди сафига эркин агент сифатида қўшилди.
Эслатиб ўтамиз, Жон ушбу ёзда «Манчестер Сити»ни тарк этди. Стоунз 2016 йил ёзидан буён «шаҳарликлар» шарафини ҳимоя қилиб келган эди. Бу вақ давомида у клуб сафида барча турнирларда жами 295 та учрашувда майдонга тушиб, 19 та гол ва 9 та голли узатма муаллифи бўлди.
Англия клуби таркибида у олти марта Премер-лига чемпиони бўлди, Чемпионлар лигасида ғолиб чиқди, шунингдек, уч марта Англия Кубогини қўлга киритди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади