Argentina milliy jamoasi sardori va hujumchisi Lionel Messi 2026-yilgi Jahon chempionati finalida Ispaniyaga qarshi bahsning birinchi bo‘limida to‘pga atigi 15 marta tegindi. Bu haqda Squawka X ijtimoiy tarmog‘idagi sahifasiga tayanib xabar berdi.
Statistikaga ko‘ra, birinchi bo‘limda Messining himoyaviy harakatlari hujumdagi ishtirokidan ko‘proq bo‘lgan. U bir marta to‘pni olib qo‘yishda qatnashdi, ammo golga olib keluvchi vaziyat yaratmadi va raqib darvozasi tomon birorta ham zarba yo‘llamadi.
Yarim finalda Ispaniya 2:0 hisobida Fransiyani mag‘lub etgan bo‘lsa, Argentina 2:1 hisobida Angliyadan ustun kelgandi.
Ma'lumot uchun, Argentina amaldagi jahon chempioni hisoblanadi. Jamoa 2022-yilgi Jahon chempionati finalida Fransiya bilan 3:3 hisobidagi durangdan so‘ng penaltilar seriyasida 4:2 hisobida g‘alaba qozonib, chempionlikni qo‘lga kiritgan.
