Аргентина миллий жамоаси сардори ва ҳужумчиси Лионел Месси 2026-йилги Жаҳон чемпионати финалида Испанияга қарши баҳснинг биринчи бўлимида тўпга атиги 15 марта тегинди. Бу ҳақда Squawka Х ижтимоий тармоғидаги саҳифасига таяниб хабар берди.
Статистикага кўра, биринчи бўлимда Мессининг ҳимоявий ҳаракатлари ҳужумдаги иштирокидан кўпроқ бўлган. У бир марта тўпни олиб қўйишда қатнашди, аммо голга олиб келувчи вазият яратмади ва рақиб дарвозаси томон бирорта ҳам зарба йўлламади.
Яримфиналда Испания 2:0 ҳисобида Францияни мағлуб этган бўлса, Аргентина 2:1 ҳисобида Англиядан устун келганди.
Маълумот учун, Аргентина амалдаги жаҳон чемпиони ҳисобланади. Жамоа 2022 йилги Жаҳон чемпионати финалида Франция билан 3:3 ҳисобидаги дурангдан сўнг пеналтилар сериясида 4:2 ҳисобида ғалаба қозониб, чемпионликни қўлга киритган.
