Отаменди Родрига: «Сен ва Лапорт бутун ҳафта ҳакамлар устидан шикоят қилдинг»

Аргентина миллий жамоаси ҳимоячиси Николас Отаменди ЖЧ-2026 финалидан кейин Испания ярим ҳимоячиси Родрига мурожаат қилди.

Европа жамоаси қўшимча бўлимларда 1:0 ҳисобида ғалаба қозониб, жаҳон чемпиони бўлди.

«Гапиришни бас қил, аҳмоқ. Сизлар бутун ҳафта фақат нолиб юрдингиз. Бутун ҳафта давомида қилган ишингиз шу — шикоят қилиш бўлди. Иккалангиз ҳам — сен ҳам, Эмерик Лапорт ҳам. Бундай қилишмайди. Ҳакамлар ҳақида шикоят қилдинг, дўстим», — деди Отаменди ўйин якунланганидан кейин.

Родри Отамендидан нимани назарда тутганини сўради, аргентиналик футболчи эса: «Ҳафта давомида у нималар деганини эшитмадингми?» — деб жавоб берди.

Финал олдидан Лапорт шундай деганди: «Сўнгги ўйинларда биз кўз юмилган ажойиб ҳолатларни кўрдик. Айниқса, бу Аргентинага тааллуқли».