Martines: "Ronaldu xuddi ilk Jahon chempionatiga kelgandek motivatsiyani saqlab qolgan"

Portugaliya milliy jamoasi bosh murabbiyi Roberto Martines jamoa hujumchisi Krishtianu Ronaldu o'zining ilk Jahon chempionatidagi kabi motivatsiyani saqlab qolganini ta'kidladi.

Bugun, 17 iyun kuni Portugaliya JCH-2026 guruh bosqichining 1-turida Kongo DRga qarshi maydonga tushadi. Bahs Toshkent vaqti bilan soat 20:00 da boshlanadi. 41 yoshli futbolchi uchun bu oltinchi mundial hisoblanadi.

"Bu — uning oltinchi Jahon chempionati. Ammo ayta olamanki, ruhiy tayyorgarlik, his-tuyg'ular va jamoaga yordam berish istagi jihatdan bu chempionat u uchun xuddi birinchisi kabidir.

Krishtianu — milliy jamoa uchun juda muhim o'yinchi. Chunki u hujumni yakunlovchi, jarima maydonida samarali harakat qiladigan futbolchi bo'lib, uning harakatlari boshqa o'yinchilar uchun ham bo'sh hududlar yaratib beradi. Uning statistikasi hujumdagi kuchimizni yaqqol ko'rsatib turibdi", — deya Martinesning so'zlarini keltiradi ESPN.

Avvalroq ispaniyalik mutaxassis Portugaliya milliy jamoasidagi kelajagi haqida gapirdi.