Мартинес: «Роналду худди илк Жаҳон чемпионатига келгандек мотивацияни сақлаб қолган»

Португалия миллий жамоаси бош мураббийи Роберто Мартинес жамоа ҳужумчиси Криштиану Роналду ўзининг илк Жаҳон чемпионатидаги каби мотивацияни сақлаб қолганини таъкидлади.

Бугун, 17 июн куни Португалия ЖЧ-2026 гуруҳ босқичининг 1-турида Конго ДРга қарши майдонга тушади. Баҳс Тошкент вақти билан соат 20:00 да бошланади. 41 ёшли футболчи учун бу олтинчи мундиал ҳисобланади.

«Бу — унинг олтинчи Жаҳон чемпионати. Аммо айта оламанки, руҳий тайёргарлик, ҳис-туйғулар ва жамоага ёрдам бериш истаги жиҳатидан бу чемпионат у учун худди биринчиси кабидир.

Криштиану — миллий жамоа учун жуда муҳим ўйинчи. Чунки у ҳужумни якунловчи, жарима майдонида самарали ҳаракат қиладиган футболчи бўлиб, унинг ҳаракатлари бошқа ўйинчилар учун ҳам бўш ҳудудлар яратиб беради. Унинг статистикаси ҳужумдаги кучимизни яққол кўрсатиб турибди», — дея Мартинеснинг сўзларини келтиради ESPN.

Аввалроқ испаниялик мутахассис Португалия миллий жамоасидаги келажаги ҳақида гапирди.