Мадриднинг «Реал» клуби ўзининг расмий сайти орқали португалиялик тажрибали яримҳимоячи Бернарду Силва билан шартнома имзоланганини эълон қилди.
Футболчи шартнома муддати якунланиб, «Манчестер Сити»ни тарк этди ва энди фаолиятини Мадридда давом эттиради.
Силва ва «Реал» 2028 йил ёзигача мўлжалланган битимга имзо чекдилар.
Аввалроқ, футболчининг «Реал»даги маоши йилига 20 млн евро бўлиши ҳақида хабарлар тарқалганди. Шунингдек, футбролчи шартнома имзолагани учун 10 млн евро бонус пулига эга бўлади, унинг агенти Жорже Мендеш ва отасига — яна 10 млн комиссия пули насиб қилади.
Якунига етган мавсумда хавбек «Манчестер Сити» сафида барча мусобақаларни инобатга олганда 53 та ўйинда 3 та гол урди ва 5 та голли узатма етказиб берди. 2017 йилдан буён инглиз клубида Бернарду 19 та соврин ютди, жумладан, 6 бор АПЛ чемпионлиги ва 1 марта УЕФА Чемпионлар Лигасини.
