«Реал» собиқ ҳужумчиси Карим Бензема фаолиятини Германиянинг «Байер» клубида давом эттиришни хоҳламоқда. Бу ҳақда журналист Илиес Каддури Х ижтимоий тармоғида маълум қилди.
Манбага кўра, футболчи ва клуб ўртасида алоқа ўрнатилган. Бензема «Байер» лойиҳасига катта қизиқиш билдирган ва жамоанинг собиқ футболчилари Муса Диаби ҳамда Лукас Васкес билан клуб режаларини муҳокама қилган.
Бироқ 38 ёшли футболчининг Саудия Арабистони элчиси сифатидаги 2030 йилгача амал қилувчи шартномаси эҳтимолий трансферга тўсқинлик қилмоқда. Бенземанинг агентлари ушбу келишув шартларини юмшатиш бўйича музокаралар олиб бормоқда.
Эслатиб ўтамиз, Бензема қишда «Ал Иттиҳод»дан «Ал Ҳилол»га ўтган ва ёзда ушбу клубни эркин агент сифатида тарк этган.
