«Барселона»нинг ҳужумкор яримҳимоячиси Фермин Лопес «Арсенал» қизиқишлари доирасига тушди. Бу ҳақда El Nacional хабар берди.
Манбага кўра, «тўпчилар» 23 ёшли футболчи учун каталонияликларга 100 миллион евродан ортиқ таклиф қилишни режалаштирмоқда. Шунингдек, Лондон клуби трансфер амалга ошган тақдирда испаниялик футболчига маошини сезиларли даражада оширишни таклиф қилади.
Эслатиб ўтамиз, яримҳимоячига «Челси» ҳам қизиқиш билдирмоқда. Бироқ Ферминнинг устувор мақсади «Барселона»да қолиш. Шу билан бирга, у клубдаги қадрини ҳис қилиш учун юқорироқ маош олишни истамоқда.
Маълумот учун, Фермин ушбу мавсумда барча турнирларда 6 та баҳсда иштирок этиб, 4 та гол урди ва 2 та голли узатмани амалга оширди. Унинг «Барселона» билан амалдаги шартномаси 2031 йилгача мўлжалланган.
