Месси рекорд ҳақида: «Роналдо ва Клозе билан бир қаторда бўлиш — шараф, аммо бу шунчаки статистикадир»

Лионел Месси Жаҳон чемпионатлари тарихида Мирослав Клозенинг голлар бўйича рекордини такрорлагани ҳақидаги саволга жавоб берди.

38 ёшли футболчи ЖЧ-2026 1-туридан ўрин олган Жазоирга (3:0) қарши ўйинда ҳет-трик қайд этганди.

Беллашувдан кейин Леодан ушбу рекорд у учун қанчалик аҳамиятли экани сўралди.

«Мен учун бу рўйхатда бўлиш — катта шараф, чунки бу — Клозе билан бир қаторда туриш дегани. Роналдо ҳам рўйхатда, лекин менимча, бу ўзгача бир нарса дегани эмас.

Килиан Мбаппе ҳам яқин, у Сенегалга қарши икки гол урди. Бу — статистика, холос. Гап шундаки, мен учун уларнинг барчаси билан рақобатлашиш имконияти борлиги — катта шараф, лекин аслида бу унчалик муҳим эмас.

Роналдо — мен кўрганларим орасида энг буюклардан бири эди, аммо рўйхатда биринчи эмас. Шунинг учун бу — фақат статистика», — дея Мессининг сўзларини келтиради TyC Sports.