«Ницца» жамоа бош мураббийи Клод Пюэл билан ҳамкорлик якунланганини расман эълон қилди.
«Клод Пюэлнинг жамоа бош мураббийи сифатидаги фаолияти ўз ниҳоясига етди. Сўнгги бир неча ой давомида қилган меҳнати учун унга самимий миннатдорчилик билдирамиз. У клубнинг қуйи лигага тушиб кетишининг олдини олишга ёрдам берди», — дейилади клуб баёнотида.
64 ёшли мутахассис «Ницца»ни 2025 йил декабр ойида қабул қилиб олганди. Якунланган мавсумда жамоа Лига 1да 16-ўринни эгаллади ва ўтиш баҳсларида «Сент-Этиен» (0:0, 4:1) устидан ғалаба қозониб, юқори дивизиондаги ўрнини сақлаб қолди.
«Ницца» жамоани юқори дивизионда олиб қолган Пюэл билан хайрлашди
Футбол
17 июн, 10:10
64 ёшли мутахассис ўтиш босқичи орқали жамоани Лига 1да олиб қолганди.
Foto: Getty Images
