«Manchester Siti» klubi bosh murabbiy Enso Mareska jamoaning yangi futbolchisi Elliot Anderson haqida taassurotlari bilan o‘rtoqlashdi.
Angliyalik yarimhimoyachi «shaharliklar»ning yangi mavsumdagi barcha 4 o‘yinida ham asosiy tarkibda maydonga tushirildi. Shanba kuni 23 yoshli futbolchi jamoasiga «Koventri» ustidan g‘alaba qozonishda (1:0) yordam berdi.
«Men hayratdaman! Va gap faqatgina bugungi bellashuv haqida ketmayapti, u «Kristal Pelas»ga qarshi o‘yinda ham, «Bornmut» bilan bahsda ham o‘zini yaxshi tomondan ko‘rsata oldi. Biroq Elliotning eng yaxshi jihati – uning har kuni o‘z ustida ishlashi: u doimo nimada yaxshiroq bo‘lishi mumkinligini so‘raydi, biz individual video tahlillar o‘tkazamiz. U o‘sishni istaydi – bu istalgan futbolchi uchun eng muhim jihat», – deya Mareska so‘zlaridan iqtibos keltiradi City Report.
Eslatib o‘tamiz, «Manchester Siti» Elliot Andersonni iyul oyida «Nottinghem Forest»dan 135 mln yevro evaziga sotib oldi.
Muxlislar bu yangilikni Telegram’da muhokama qilmoqda
Izohlar Telegram’da ochiladi