Taniqli sobiq futbolchi Pol Merson ushbu mavsumda Londonning «Arsenal» klubidan nimalar kutayotganini aytib o‘tdi.
58 yoshli inglizning so‘zlariga ko‘ra, «to‘pchilar» yana Premer-ligada g‘olib chiqadi, ammo top darajadagi markaziy hujumchi yetishmasligi sababli Chempionlar ligasida zafar quchishni eplay olmaydi.
«O‘ylaymanki, «Arsenal» APL chempionligini qo‘lga kiritadi, biroq Chempionlar ligasida ularga bitta hujumchi yetishmaydi. Menga Xavers va Gokeresh yoqadi, lekin ular himoyachilarning tunlari oromini o‘g‘irlaydigan futbolchilar sirasiga kirmaydi», – deya Mersonning so‘zlaridan iqtibos keltiradi Arsenal News Channel.
Eslatib o‘tamiz, UYEFA Chempionlar ligasi o‘tgan mavsumida Mikel Arteta jamoasi finalda o‘yindan keyingi penaltilar seriyasida «PSJ»ga imkoniyatni boy bergan edi.
