Таниқли собиқ футболчи Пол Мерсон ушбу мавсумда Лондоннинг «Арсенал» клубидан нималар кутаётганини айтиб ўтди.
58 ёшли инглизнинг сўзларига кўра, «тўпчилар» яна Премер-лигада ғолиб чиқади, аммо топ даражадаги марказий ҳужумчи етишмаслиги сабабли Чемпионлар лигасида зафар қучишни эплай олмайди.
«Ўйлайманки, «Арсенал» АПЛ чемпионлигини қўлга киритади, бироқ Чемпионлар лигасида уларга битта ҳужумчи етишмайди. Менга Хаверц ва Гокереш ёқади, лекин улар ҳимоячиларнинг тунлари оромини ўғирлайдиган футболчилар сирасига кирмайди», – дея Мерсоннинг сўзларидан иқтибос келтиради Arsenal News Channel.
Эслатиб ўтамиз, УЕФА Чемпионлар лигаси ўтган мавсумида Микел Артета жамоаси финалда ўйиндан кейинги пеналтилар сериясида «ПСЖ»га имкониятни бой берган эди.
