Нидерландиялик собиқ футболчи Уэсли Снейдер ёзда ҳамюрти Дензел Думфрис Миланнинг «Интер» клубидан Мадриднинг «Реал» жамоаси сафига бориб қўшилгани ҳақида фикр билдирди.
«Агарда сени «Реал» ўз таркибига таклиф қилган бўлса, уни қабул қилиш керак. Бу буткул ўзгача клуб. Думфрис энди Миланда бўлганидан ҳам яхшироқ ўйнаши талаб этилади. «Реал» «Интер»га қараганда катта обрўга эга.
Ўз навбатида «қаймоқранглилар»га босим ҳам юқори, аммо Дензелда у ерда ўйнаб кетиш зарур ҳислатлар мавжуд. «Интер»да у юқори даражага чиқа олди», - дея Снейдер сўзларидан иқтибос келтиради InterNews.
Маълумот учун, Думфрис 20 миллион евро эвазига Мадрид гранди сафига кўчиб ўтди. 30 ёшли латерал 2030 йилнинг ёзигача мўлжалланган шартнома имзолади.
