«Barselona» qanot himoyachisi Joau Kanselu «el klasiko» arafasida Madridning «Real» klubi yarimhimoyachisi Bernardu Silva bilan aloqalari haqida gapirdi.
Ispan futbolining ikki grandi to‘qnashuvi bugun, 25 oktyabr tunda, Toshkent vaqti bilan 01:00da start oladi.
«Bernardu – eng yaqin do‘stlarimdan biri, biz «el klasiko» haqida ko‘p gaplashamiz. Biz uzoq yillar birga o‘ynadik va bir kun kelib dunyodagi eng ko‘p tomosha qilinadigan o‘yinda bir-birimizga qarshi chiqishimizga to‘g‘ri kelishini kim o‘ylabdi deysiz.
Barcha-barcha o‘yinni intiqlik bilan kutmoqda va tomoshabinlar chiroyli bellashuvdan zavq olishadi. Bernardu o‘z jamoasi uchun, men esa – o‘zimniki uchun kurashamiz, ammo bizning do‘stligimizga bu ta’sir qilmaydi. Men unga doimo katta hurmat va havas bilan qarayman», – dedi Kanselu Madrid Zone nashriga bergan intervyusida.
Eslatib o‘tamiz, «ko‘k-anorranglilar» La Liga musobaqa jadvalida 27 ochko bilan yetakchi bo‘lsa, «qaymoqranglilar» – hisobida 21 ochko mavjud. Mourinio jamoasi uchinchi pog‘onani band etgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi