«Барселона» қанот ҳимоячиси Жоау Канселу «эл класико» арафасида Мадриднинг «Реал» клуби яримҳимоячиси Бернарду Силва билан алоқалари ҳақида гапирди.
Испан футболининг икки гранди тўқнашуви бугун, 25 октябр тунда, Тошкент вақти билан 01:00да старт олади.
«Бернарду – энг яқин дўстларимдан бири, биз «эл класико» ҳақида кўп гаплашамиз. Биз узоқ йиллар бирга ўйнадик ва бир кун келиб дунёдаги энг кўп томоша қилинадиган ўйинда бир-биримизга қарши чиқишимизга тўғри келишини ким ўйлабди дейсиз.
Барча-барча ўйинни интиқлик билан кутмоқда ва томошабинлар чиройли беллашувдан завқ олишади. Бернарду ўз жамоаси учун, мен эса – ўзимники учун курашамиз, аммо бизнинг дўстлигимизга бу таъсир қилмайди. Мен унга доимо катта ҳурмат ва ҳавас билан қарайман», – деди Канселу Madrid Zone нашрига берган интервюсида.
Эслатиб ўтамиз, «кўк-анорранглилар» Ла Лига мусобақа жадвалида 27 очко билан етакчи бўлса, «қаймоқранглилар» – ҳисобида 21 очко мавжуд. Моуринио жамоаси учинчи поғонани банд этган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади