«Barselona» yarimhimoyachisi Gavi Ispaniya chempionatining 9-turi doirasida «Real»ga qarshi kechadigan «El Klasiko»dan kutayotganlari haqida gapirdi.
«Bu hayot-mamot masalasi, chunki La Ligada juda muhim ochkolarni qo‘lga kiritishimiz mumkin. Chempionlar Ligasida, ehtimol, hali bu darajada keskin vaziyat bo‘lmagandir, garchi u yerdagi ikkala bahs ham muhim bo‘lsa-da. Bu — «El Klasiko», futboldagi eng ajoyib voqealardan biri.
Bizni qiyin bahs kutmoqda. Menimcha, har ikki jamoa maydonda nima qilishi kerakligini yaxshi biladi. Nima bo‘lishidan qat’i nazar, dastlabki daqiqadan oxirigacha 90 daqiqa davomida bor kuchimizni berishimiz kerak», — deya Gavining so‘zlarini RMC Sport keltirmoqda.
Ma’lumot uchun, «El Klasiko» «Kamp Nou» stadionida bo‘lib o‘tadi.
Eslatib o‘tamiz, «Barselona» — «Real» bahsi 25-oktyabr kuni Toshkent vaqti bilan 26-oktyabrga o‘tar kechasi soat 01:00 da boshlanadi.
