«Barselona» bosh murabbiyi Hans-Diter Flik La Liga 10-turi doirasida «Real»ga qarshi kechadigan bahs oldidan jamoaning tarkib bilan bog‘liq vaziyati haqida fikr bildirdi.
«Kunde ertaga o‘ynamaydi. Biz uning sog‘lig‘ini xavf ostiga qo‘ymoqchi emasmiz. Olmo? U ajoyib formada edi, ammo omadi kelmadi. Uning safdan chiqqani juda achinarli, lekin vaziyatni qabul qilishimiz kerak. Dani bir nechta bahsni o‘tkazib yuboradi. Bizda Fermin Lopes bor, ammo Olmo yetishmaydi», — dedi Flik jurnalistlarga.
Kataloniyaliklar safida Andreas Kristensen, Erik Garsiya va Runi Bardji ham jarohat sababli maydonga tusha olmaydi.
Ma’lumot uchun, «Barselona» La Liga doirasidagi dastlabki 10 turda ochko yo‘qotmagan.
Eslatib o‘tamiz, «Barselona» — «Real» bahsi bugun, 25-oktyabr kuni Toshkent vaqti bilan 26-oktyabrga o‘tar kechasi soat 01:00 da boshlanadi.
