«Barselona» rahbariyati himoyachi Jerar Martin bilan shartnomani uzaytirishni rejalashtirmoqda. Insayder Fabritsio Romanoning ijtimoiy tarmoqlarda xabar berishicha, tomonlar yaqin orada muzokaralarni boshlaydi.
Jamoa bosh murabbiyi Hans-Diter Flik 24 yoshli markaziy himoyachining o‘yin saviyasini yuqori baholaydi. Shu sababli kataloniyaliklar futbolchi bilan hamkorlikni davom ettirishga intilmoqda.
Ma’lumot uchun, Martinning «Barselona» bilan amaldagi shartnomasi 2028-yil iyun oyi oxirigacha mo‘ljallangan. Futbolchining bozor qiymati 40 million yevroga baholanmoqda.
Eslatib o‘tamiz, Martin ushbu mavsum La Ligada sakkizta bahsda maydonga tushib, bitta sariq kartochka olgan.
