Kataloniyaning «Barselona» jamoasi angliyalik vingeri Entoni Gordon Madridning «Real» klubi bilan debyut «el klasiko»si oldidan ijtimoiy tarmoqlarning zamonaviy jamiyatga va professional futbolchilar ruhiyatiga ta’sirini tanqid qildi.
«Ijtimoiy tarmoqlar paydo bo‘lganidan beri — taxminan-2010-yildan beri — atrofimizdagi dunyo tobora yomonlashib borayotganiga aminman. Odamlar umuman ahamiyati bo‘lmagan narsalarga haddan tashqari ko‘p e’tibor bera boshladilar.
Haqiqatan ham muhim bo‘lgan yagona narsa — bu uyingda, yaqinlaring yonida nimalar sodir bo‘layotganidir.
Ha, tan olaman, men ham ba’zan vaqtimni smartfondagi «lenta»ni o‘ylamasdan varaqlash bilan o‘tkazaman. Ammo shunday qilganimda o‘zimni aybdor his qilaman va yanada baxtsizroq bo‘laman.
Ijtimoiy tarmoqlar futbolchilarning o‘z o‘yinlariga berayotgan bahosini o‘zgartirdi. Hozir ko‘pchilik futbolchilar boshqalarning fikriga haddan tashqari yopishib qolishgan. Butun e’tibor faqat gol uradigan yoki golli uzatma beradiganlarga qaratiladi, garchi to‘g‘ri jamoaviy qaror har doim shaxsiy statistika yoki internetdagi maqtovlardan ustun turishi kerak bo‘lsa-da», — deya Gordon so‘zlaridan iqtibos keltiradi Ispaniyaning Sport.es nashri.
