«Chelsi» bosh murabbiyi Xabi Alonso jamoaning kelajakdagi maqsadlari haqida fikr bildirdi. Ispaniyalik mutaxassis Sky Sports nashriga bergan intervyusida London klubining yana Angliya chempionligi va Chempionlar ligasi g‘olibligi uchun kurashishini istashini aytdi.
«O‘rta va uzoq muddatli istiqbolda — ha. Bu klubning maqsadi. «Chelsi» unchalik uzoq bo‘lmagan vaqt ichida Chempionlar ligasi va Angliya Premyer-ligasida g‘olib chiqqan. Biz ham shu darajaga qaytishni istaymiz», — dedi Alonso.
Murabbiy bu maqsadlarga erishish uchun vaqt kerakligini, shuningdek, to‘g‘ri qarorlar qabul qilish muhimligini qo‘shimcha qildi.
Ma’lumot uchun, «Chelsi» oxirgi marta Angliya chempionligini 2017-yilda qo‘lga kiritgan. O‘shanda jamoani Antonio Konte boshqargan.
Eslatib o‘tamiz, «Chelsi» 2021-yilda Tomas Tuxel boshqaruvida Chempionlar ligasida g‘olib chiqqan.
