«Real» akademiyasida to‘p tepayotgan Enso Alves tez orada klubning asosiy jamoasi safida ilk uchrashuvini o‘tkazishi mumkin. Bu haqda Ispaniyaning Diario AS nashri xabar berdi.
U braziliyalik sobiq himoyachi Marceloning o‘g‘li hisoblanadi. Ma’lum qilinishicha, yosh hujumchi akademiya miqyosida yuqori natijalarni qayd etmoqda. U Madrid klubining «La Fabrika» akademiyasida turli yosh toifalaridagi jamoalar safida 150 dan ortiq gol urgan.
Klub rahbariyati va Joze Mourinyo boshchiligidagi asosiy jamoa murabbiylar shtabi Enso Alvesdan umid qilmoqda. Qayd etilishicha, futbolchi asosiy jamoa mashg‘ulotlariga tobora yaqinlashmoqda va shu mavsumning o‘zida katta futbolda o‘zini ko‘rsatish imkoniyatiga ega bo‘lishi mumkin.
Eslatib o‘tamiz, Marselo 2007-yildan 2022-yilgacha «Real» sharafini himoya qilgan. U madridliklar safida 25 ta sovrinni qo‘lga kiritgan, jumladan, besh marta Chempionlar ligasida g‘olib chiqqan.
Avvalroq Marceloning o‘g‘li «Real» bilan ilk professional shartnomasini imzolagani ma’lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi