Jahon chempionati pley-off bosqichi doirasidagi Jazoyirga qarshi o‘yinidan keyin Shveysariya milliy jamoasi yarimhimoyachisi va sardori Granit Jakaga «Sanderlend»dan Londonnning «Chelsi» klubiga ehtimoliy transferi borasida savol bilan murojaat qilishdi.
Ma’lumotlarga qaraganda, londonliklar 33 yoshli futbolchi transferiga jiddiy ravishda qiziqmoqda va transfer bo‘yicha yaqin kunlarda yana bir rasmiy taklif yuboradi.
«Bu haqida gapirish, yangi ma’lumot berish – mening vazifam emas. Buning uchun mening menejmentim bor. Hozir men bor e’tiborimni jahon chempionatiga qaratmoqchiman», – deya Jaka so‘zlaridan iqtibos keltirdi CentreGoals.
Eslatib o‘tamiz, Shveysariya 1/8 final bosqichida Gana – Kolumbiya juftligi g‘olibi bilan bahs olib boradi.
