«Betis»ning hujumkor yarimhimoyachisi Isko Chempionlar ligasining 1-turida «Lill»ga qarshi bahsda maydonga tushdi. Ispaniyalik futbolchi turnir tarixidagi o‘ziga xos rekord muallifiga aylandi.
Jurnalist Aleksis Martin-Tamayo, ya’ni Mister Chip ma’lumotiga ko‘ra, Isko Chempionlar ligasida bir mamlakatning besh xil klubida o‘ynagan tarixdagi ilk futbolchi bo‘ldi.
Isko avval turnirda Ispaniyaning «Valensiya», «Malaga», «Real», «Sevilya» va «Betis» jamoalari safida ishtirok etgan.
Ma'lumot uchun, Chempionlar ligasida bir mamlakatning to‘rtta klubida o‘ynagan futbolchilar qatorida Ernan Krespo, Stefan Dalma, Hatem Ben Arfa, Burak Yilmaz va Rahim Sterling bor.
Eslatib o'tamiz, «Betis» safarda «Lill»ni 3:2 hisobida mag‘lub etdi.
