"Barselona" "Inter" hujumchisi Lautaro Martines transferi bo'yicha rasmiy taklif bilan chiqmagan. Bu haqda jurnalist Janluka di Marzio xabar berdi.
Bungacha Xulian Alvaresni "Atletiko"dan transfer qilish imkoni yo'qolgani sababli kataloniyaliklar keyingi variantlarga o'tgani aytilgandi. Ular orasida asosiy nomzod Lautaro hisoblanmoqda.
Qayd etilishicha, hozircha "Barselona" vakillari ham, futbolchining agentlari ham milanliklar bilan bog'lanmagan. "Inter" esa Lautaroni sotilmaydigan futbolchi deb hisoblamoqda.
Ma'lumot o'rnida, Martines o'tgan mavsum A Seriyada 30 ta uchrashuv o'tkazib, 17 ta gol urdi va 6 ta assist amalga oshirdi. Avvalroq "Barselona" Lautaroni sotib olishi mumkinligi ma'lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi