«Manchester Siti» hujumchisi Erling Holand Chempionlar ligasida 59 ta gol urib, turnir tarixidagi eng yaxshi to‘purarlar ro‘yxatida Tomas Myullerni ortda qoldirdi. Bu haqda Championat xabar bermoqda.
26 yoshli futbolchi «Portu»ga qarshi bahsda dubl qayd etdi. Holand Chempionlar ligasidagi 59 ta bahsda 59 ta gol urgan. Tomas Myuller hisobida esa 57 ta gol mavjud.
Holand hozirda musobaqaning eng yaxshi to‘purarlar ro‘yxatida yettinchi o‘rinda bormoqda. Oltinchi pog‘onada 99 ta bahsda 71 ta gol urgan Kilian Mbappe joylashgan. Ro‘yxatni esa 140 ta gol bilan Krishtianu Ronaldu boshqarmoqda.
Keyingi turda «Manchester Siti» 14-oktyabr kuni «PSJ»ga qarshi bahs olib boradi.
