"Everton" yarimhimoyachisi Jek Grilish do'stlari bilan uchrashuv paytida barda uxlab qoldi.
Aslida "Manchester Siti"ga tegishli bo'lgan va bu mavsumda mersisaydliklar safida ijarada harakat qilayotgan 30 yoshli ingliz futbolchisi 18 yanvardan buyon oyoq panjasi sinishi sabab o'ynamayapti. U shanba kuni soat 16:30 da Manchesterdagi Stories bariga kelgan. U alkogol ichimliklar iste'mol qilayotgan guruh bilan bo'lgan va bir soat o'tar-o'tmas uxlab qoldi.
Guvoh shunday deydi: "Do'stlari uni uyg'otishga harakat qildi. Ko'rinishidan alkogol uni yengdi".
The Sun eslatishicha, dekabr oyida futbolchi Londonda do'stlari uchun 20 000 funtlik bazm uyushtirgan va u striptiz-klubda yakunlangan.
Grilish bu mavsumda APLda 20 ta o'yinda 2 ta gol urib, 6 ta golli uzatma amalga oshirdi.
