«Pari Sen-Jermen» bosh murabbiyi Luis Enrike jamoa qanot yarimhimoyachisi Magnes Akliushni Liga 1 6-turi doirasida «Le Man»ga qarshi bahsning eng yaxshi futbolchisi, deb hisoblashini ma’lum qildi.
«Menimcha, bugun u o‘zining texnik va jismoniy ko‘rsatkichlari tufayli eng yaxshisi bo‘ldi. Men buni oldin ham bilardim, lekin u biz uchun yoqimli syurpriz bo‘ldi», - dedi Enrike o‘yindan keyingi matbuot anjumanida.
Ma’lumot uchun, «PSJ» «Le Man» ustdian 3:1 hisobida g‘alabaga erishdi. Parijliklar safida o‘yinni asosiy tarkibda boshlagan Akliush 68-daqiqada jamoaning uchinchi goliga mualliflik qildi.
Ta’kidlash lozim, bu 24 yoshli hujumchining Fransiya chempionatining yangi mavsumidagi ilk goli bo‘ldi. Umuman olganda, u barcha musobaqalarda sakkizta o‘yinda maydonga tushib, bitta golli uzatmani amalga oshirgan edi.
