«Пари Сен-Жермен» бош мураббийи Луис Энрике жамоа қанот яримҳимоячиси Магнес Аклиушни Лига 1 6-тури доирасида «Ле Ман»га қарши баҳснинг энг яхши футболчиси, деб ҳисоблашини маълум қилди.
«Менимча, бугун у ўзининг техник ва жисмоний кўрсаткичлари туфайли энг яхшиси бўлди. Мен буни олдин ҳам билардим, лекин у биз учун ёқимли сюрприз бўлди», - деди Энрике ўйиндан кейинги матбуот анжуманида.
Маълумот учун, «ПСЖ» «Ле Ман» устдиан 3:1 ҳисобида ғалабага эришди. Парижликлар сафида ўйинни асосий таркибда бошлаган Аклиуш 68-дақиқада жамоанинг учинчи голига муаллифлик қилди.
Таъкидлаш лозим, бу 24 ёшли ҳужумчининг Франция чемпионатининг янги мавсумидаги илк голи бўлди. Умуман олганда, у барча мусобақаларда саккизта ўйинда майдонга тушиб, битта голли узатмани амалга оширган эди.
