Таэквондо. Қосимҳожиев ва Собиржонова Париж Гран-присида совриндор бўлишди

Франция пойтахтида ташкил этилаётган таэквондо WT бўйича Гран-при турнирининг 10 октябр кунги баҳслари Ўзбекистон жамоаси учун омадли якунланди.

Унда Ўзбекистон вакиллари 1 тадан кумуш ва бронза медалларига сазовор бўлишди.

Кумуш медални -68 кг вазн тоифасида жанг қилган Нажмиддин Қосимҳожиев келтирди. -67 кг тоифасида яримфиналгача етиб борган Озода Собиржонова эса шоҳсупанинг учинчи поғонасидан жой олди.