«PSJ» bosh murabbiyi Luis Enrike jamoa ving eri Xvicha Kvaratsxeliyaning sport formasi haqidagi savolga javob berar ekan, futbolchini qo‘llab-quvvatladi.
Ispaniyalik mutaxassis gruziyalik o‘yinchining saviyasiga ishonishini bildirdi.
«Kvaratsxeliya — juda yuqori saviyali futbolchi. U buni muhim pallalarda ko‘rsatgan. Uning jamoamizda ekanidan juda xursandman. Lekin u mashina emas, u ham inson.
Yaxshi va yomon davrlarni boshdan kechirish tabiiy hol. Xavotirlanishga hojat yo‘q», — dedi Enrike.
Ma’lumot o‘rnida, ushbu mavsum Kvaratsxeliya «PSJ» safida barcha musobaqalar doirasida yettita uchrashuvda maydonga tushdi. Ushbu bahslarda gruziyalik futbolchi bitta gol urdi va bitta assist amalga oshirdi.
Ayni vaqtda parijliklar Fransiya chempionatida beshta o‘yindan so‘ng sakkiz ochko jamg‘argan. «PSJ» hozirda turnir jadvalining oltinchi pog‘onasida bormoqda.
Avvalroq Dembele Xvichani dunyoning eng yaxshi qanot hujumchilaridan biri deb atagandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi