«PSJ» hujumchisi Usmon Dembele jamoadoshi, gruziyalik vinger Xvicha Kvaratsxeliyaning o‘yini haqida fikr bildirdi.
«Bu ajoyib futbolchi, eng yaxshi qanot hujumchilaridan va dunyoning eng yaxshi futbolchilaridan biri. O‘tgan yili uning mavsumi juda yaxshi o‘tdi — u jamoa uchun juda muhim. Uning ko‘plab laqablari bor, biz uni bu yerda eng yaxshisi yoki Kvaradona deb ataymiz», — deya Dembele so‘zlarini The Athletic keltirdi.
Ma'lumot uchun, o‘tgan mavsumda Kvaratsxeliya barcha turnirlarda 48 ta bahsda qatnashib, 19 ta gol va 11 ta assist qayd etdi. Ushbu mavsumda esa vinger beshta bahsda bir gol va bir assistga mualliflik qildi.
