Elit Osiyo Chempionlar Ligasida Emilian Karas "Paxtakor" bosh murabbiyi sifatida ishlaydi. Bu haqida klub matbuot xizmati xabar berdi.
"OFK klublar musobaqalari uchun talablari sababli Elit Osiyo Chempionlar Ligasida zarur litsenziyaga ega bo'lgan Emilian Karas bosh murabbiy sifatida rasmiy tadbirlarda ishtirok etadi.
U o'yin qaydnomasi, matbuot anjumanlari va boshqa rasmiy tadbirlarda "Paxtakor" bosh murabbiyi sifatida qatnashadi", — deyiladi xabarda.
Avvalroq "Paxtakor"ning "Al Husayn"ga qarshi bahsini janubiy koreyalik hakamlar boshqarishi ma'lum qilingandi.
