Bu haqda The Athletic nashri xabar berdi.
Myunxenning «Bavariya» klubi «Liverpul»ning qanot futbolchisi Rio Ngumoani transfer qilish imkoniyatini ko‘rib chiqmoqda.
Manbaning ma’lumotiga ko‘ra, Germaniya chempionlari hujum chizig‘ini kuchaytirish uchun bir nechta nomzodlarni ko‘rib chiqmoqda va Ngumoa — ularning chap vinger pozitsiyasidagi asosiy maqsadi.
Manbaning xabar berishicha, 17 yoshli futbolchi «Bavariya» va myunxenliklar bosh murabbiyi Vensan Kompani tomonidan katta qiziqish bo‘layotganidan xabardor, ammo nemislar hali «Liverpul» bilan aloqaga chiqmagan. O‘z navbatida, mersisaydliklar Ngumoani sotish niyatida emas.
O‘tgan yil sentyabr oyida u o‘zining birinchi professional shartnomasini imzoladi. Kelishuv 2028-yil iyunigacha amal qiladi. 2025/2026-yilgi mavsumida Ngumoa Angliya Premer-Ligasida 19 ta o‘yin o‘tkazib, 2 ta gol urdi va 1 ta assistentlik qildi.
