Taniqli insayder Fabritsio Romanoning xabar berishicha, «Barselona» himoyachi Joau Kanseluni qayta o‘z safiga qo‘shib olish borasida optimistik kayfiyatda.
Manbaga ko‘ra, bir necha hafta avval transfer bo‘yicha kelishuvga erishilmagan bo‘lsa-da, Kataloniya klubi «Al Hilol» bilan muzokaralarni davom ettirmoqda va yozgi transferlar oynasi yopilishiga qadar bitimni yakunlashiga ishonmoqda.
Romano ta'kidlashicha, Kanseluning o‘zi ham «Barselona»ga qaytishni istamoqda. Bu omil transferning amalga oshish ehtimolini oshirayotgan asosiy sabablardan biri sifatida ko‘rilmoqda.
Eslatib o‘tamiz, portugaliyalik futbolchi o'tgan mavsumda «Barselona» safida ijara asosida to‘p surib, jamoaning asosiy futbolchilaridan biriga aylangandi.
