"Barselona" klubi yarimhimoyachi Frenki de Yongning tibbiy ko‘rik xulosalarini e'lon qildi.
Ma'lum qilinishicha, niderlandiyalik 29 yoshli futbolchining o‘ng tizzasidagi ichki yon bog‘lamlari uzilgani aniqlandi.
"Ko‘k-anorranglilar" de Yongning safga qaytish muddati borasida aniq ma'lumot berishmagan. Shuningdek, bu tiklanish jarayonining dinamikasiga bog‘liq bo‘lishini ta'kidlashgan. Frenki davolanishni shifokorlar nazorati ostida davom ettiradi.
Avvalroq de Yong bosh murabbiy Hansi Flik bilan kelishmovchiliklar fonida "Barselona"ni tark etishi mumkinligi haqida xabarlar tarqalgan edi.
Muxlislar bu yangilikni Telegram’da muhokama qilmoqda
Izohlar Telegram’da ochiladi