«Arsenal» hujum chizig‘ini ikki yosh futbolchi bilan kuchaytirishga qiziqish bildirmoqda. Bu haqda Football London xabar berdi.
Manbaga ko‘ra, «to'pchilar» «Bornmut»ning 20 yoshli hujumchisi Eli Junior Kroupi va «Brentford»ning 24 yoshli vingeri Kevin Shadeni o‘z safiga qo‘shib olish imkoniyatini ko‘rib chiqmoqda. Har ikki futbolchining transferi uchun klub katta mablag‘ sarflashi talab etiladi.
Avvalroq jurnalist Devid Ornshteyn «Bornmut» Kroupini 115 million yevro evaziga qo‘yib yuborishga tayyorligini bildirgan edi. Shu sababli «Arsenal» yosh hujumchini xarid qilish uchun ushbu summani to‘lashi mumkin.
Shade bo‘yicha esa Football Transfers ma’lumotiga ko‘ra, «Brentford» futbolchini faqat klub tarixidagi rekord transfer summasi evaziga sotishga tayyor. Bu esa niderlandiyalik vinger uchun 75 million yevrodan ko‘proq mablag‘ talab qilinishini anglatadi.
Shunday qilib, «Arsenal» Kroupi va Shade transferlari uchun jami 190 million yevrodan ortiq mablag‘ sarflashi mumkin. Biroq ushbu transferlar bo‘yicha hozircha yakuniy kelishuvga erishilgani haqida ma’lumot yo‘q.
Ushbu mavsumda Shade barcha musobaqalarda 6 ta bahsda maydonga tushib, 3 ta gol urdi. Kroupi esa mavsum boshidan buyon hali maydonga tushgani yo‘q.
Eslatib o‘tamiz, «Arsenal» hujum chizig‘ini kuchaytirish uchun yosh futbolchilarni kuzatib bormoqda.
