Argentina milliy jamoasi futbolchilari bosh murabbiy Lionel Skalonining jamoa bilan hamkorlikni davom ettirishidan umid qilmoqda. Mutaxassisning amaldagi shartnomasi muddati yakunlanmoqda.
Argentina milliy jamoasi bosh murabbiyi Lionel Skalonining amaldagi shartnomasi muddati tugash arafasida. Avvalroq argentinalik mutaxassis nima sababdan jamoa bilan yangi shartnoma tuzishni istamayotgani haqida xabarlar tarqalgandi.
Biroq AOL xabariga ko‘ra, Argentina milliy jamoasi futbolchilari Skalonining qolishidan umid qilmoqda. Yosh yarimhimoyachi Nikolas Pas ham mutaxassis qo‘l ostida faoliyatini davom ettirish istagini bildirgan.
«U menga Argentina milliy jamoasida debyut qilish imkoniyatini berdi va uning qolishidan umid qilaman», — dedi Pas.
Tajribali himoyachi Kristian Romero ham bosh murabbiyning qolishini istayotganini ta’kidladi.
«Biz uning qolishidan umidvormiz. U milliy jamoa uchun asosiy shaxs», — dedi Romero.
Manbaga ko‘ra, argentinalik boshqa futbolchilar, jumladan Leonardo Balerdi va Janluka Prestiani ham Skalonining jamoada qolishi tarafdori. Ularning ikkalasi ham 2026-yilgi jahon chempionatini o‘tkazib yuborgan.
Ma’lumot uchun, Argentina milliy jamoasi navbatdagi bahsini 30-sentyabr kuni Boliviyaga qarshi o‘tkazadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi