JCh-2026 yakunlanib bormoqda. Turnirning so‘nggi oldingi bahsida Fransiya va Angliya milliy jamoalari uchinchi o‘rin uchun o‘zaro to‘qnash kelmoqda.
Angliya uchrashuvni faol boshladi va 3-daqiqadayoq jamoa sardori Deklan Raysning goli evaziga hisobni ochdi.
Mazkur bahs ingliz futboli uchun tarixiy ahamiyatga ham ega. Agar Angliya g‘alaba qozonsa, jamoa 1966 yilgi jahon chempionatidan buyon eng yaxshi natijasini qayd etadi.
Gap shundaki, Angliya 1966 yilda jahon chempioniga aylanganidan so‘ng mundiallarda bundan yaxshiroq natijaga erisha olmagan. Jamoaning ushbu davrdagi eng yuqori ko‘rsatkichi 1990 va 2018 yilgi turnirlarda qo‘lga kiritilgan to‘rtinchi o‘rin bo‘lib qolmoqda.
Bundan tashqari, inglizlar ushbu 60 yil davomida uch marta jahon chempionati final bosqichiga ham yo‘llanma ololmagan.
Eslatib o‘tamiz, Angliya JCh-2026 yarimfinalida Argentinaga 1:2 hisobida mag‘lub bo‘lgandi. Fransiya esa Ispaniyaga 0:2 hisobida imkoniyatni boy bergan. Endi jamoalar mundialning bronza medallari uchun kurash olib bormoqda.
