Xulian Alvares "Atletiko" rahbariyatining "Barselona"ga ehtimoliy transfer masalasidagi xatti-harakatlaridan norozidir.
Mundo Deportivo xabar berishicha, argentinalik hujumchi 10 avgust kuni klub qarorgohiga qaytgan va vaziyatni Diego Simeone bilan muhokama qilmoqchi bo'lgan. Ammo buning imkoni bo'lmagan — jamoa bosh murabbiyi ikki kunga Ibiza oroliga uchib ketgan.
Futbolchining fikricha, Simeoneda muammoni hal qilish va u bilan suhbatlashish uchun "jasorat yetishmagan". Alvares u qaytib kelgan kunda murabbiyning Ibizaga uchib ketishini kutmagan.
Xulian, shuningdek, "Atletiko" bosh direktori Migel Anxel Xildan ham norozidir. U ham ish joyida bo'lmagan.
26 yoshli hujumchi mashg'ulot bazasida bo'lgan barcha xodimlarga undan umid qilmasliklarini aytgan. U "Barselona"ga o'tishni istamoqda va o'z pozitsiyasida qat'iy turishini ma'lum qilgan.
Alvares "Atletiko" bazasiga qaytgan kuni Simeone Ibizaga uchib ketdi
Futbol
10 avgust, 17:00
Hujumchining fikricha, murabbiy o'zaro suhbatdan qochmoqda va unga jasorat yetishmayapti.
Foto: Getty Images
