"Barsa" xayrlashmoqchi bo'lgan Bardakchi uzoq muddatga safdan chiqdi

"Barselona" yarimhimoyachisi Runi Bardakchi jarohati sababli uzoq muddatga safdan chiqdi.

Diario Sport ma'lumotiga ko'ra, 20 yoshli shvetsiyalik mashg'ulot vaqtida jarohat olgan va mashg'ulotni oxirigacha davom ettira olmagan. Tibbiy ko'rikdan so'ng Bardakchining tizzasida xochsimon paylar uzilgani aniqlandi. Ushbu jarohat sababli futbolchi 6-7 oyga maydonga tusha olmaydi.

Ta'kidlanishicha, jarohat "Barselona"ning ushbu transfer oynasida Runi Bardakchi bilan xayrlashish rejalari tegib ketishiga sabab bo'lishi mumkin. Bundan tashqari, vinger avval ham jiddiy tizza jarohatini olgan va shu sababli 10 oy futboldan chetda qolgan.