ЖЧ–2026 гуруҳ босқичининг 2-туридан ўрин олган Белгия ва Эрон миллий жамоалари ўртасидаги баҳсни 70 317 нафар мухлис стадиондан томоша қилди. Бу тур баҳслари орасидаги ҳозирча энг кўп футбол ихлосмандлари ташриф буюрган ўйин ҳисобланади.
АҚШнинг Инглвуд шаҳридаги «Sofi stadium»да ўтган беллашув 0:0 ҳисобидаги дуранг билан якунланди. Баҳсни аргентиналик ҳакам Дарио Эррера бошқариб борди.
Қайд этиш жоиз, ўйин давомида Белгия миллий жамоаси бир футболчисини йўқотди. Нгой 66-дақиқада қизил карточка олиб, майдонни тарк этди.
Эслатиб ўтамиз, ушбу натижадан кейин Белгия ва Эрон миллий жамоалари ҳисобидаги очколар сони иккитага етди. Янги Зеландия ҳамда Миср ҳисобида эса биттадан очко мавжуд.
Маълумот учун, G гуруҳининг яна бир баҳсида Янги Зеландия ва Миср миллий жамоалари ўзаро куч синашади. Гуруҳ босқичининг сўнгги турида Белгия Янги Зеландияга, Эрон эса Мисрга қарши майдонга тушади.
